هر چه ایخوم اسمته یادم برم تا نیترم

هر چه ایخوم اسمتهِ یادُم بَرُم تا نیتَرُم
بی تو پا پا ایکُنُم تا هی بِرُم تا نیتَرُم

تا کسی تِی خوش نَگهِ سی هُمدُرنگت مُردمه
هر چه ایخوم تا که واپوشُم سِرُم تا نیتَرُم

بی تو هر رو حال و روزُم مثل تَش زِر چاله یِ
تَش گرُهتُم تا دِرِی مِن خاطِرُم تا نیتَرُم

نادنهِ صد درد بی درمون وَ ایی ریشِی دلم
تا خَوَر ناوُم وَ حالِ جیگَرُم تا نیتَرُم

بس که بَردَم زَن همهِ بُی گَپ که تا هوشی بیام
زورکی کِردِن کُنارِ بی پَرُم تا نیتَرُم
سرگشته
#سهراب_عرب_زاده