بی تو چی شو پَرِ مِن دار دِیارم تا صُب
تا بِوینُم تونه، ای یار دِیارم تا صُب
بی تو مابین دل و عقلِ مو جنگِ شو وُ روز
سَرِ عشقِ تونه کُشتار، دِیارم تا صُب
اِشکنِی قلبِ مونه خورد ذلیلم کِردی
ایکَشُم پاکتِ سیگار ،دِیارم تا صُب
طَحرِ مجنونم و چندیه دلُم نیبینه
نه وفا و نه وفادار ،دِیارم تا صُب
ایزنُم بینِ خوم و خوت مو یه شو قیدِ خومه
که نفس ایکَشُم اجبار، دِیارم تا صُب
#سهراب_عرب_زاده
سرگشته تو...
ما را در سایت سرگشته تو دنبال می کنید
برچسب : نویسنده : roooko بازدید : 161 تاريخ : جمعه 23 ارديبهشت 1401 ساعت: 21:54